ကမ္ဘာတစ်ခြမ်းမှ အလွမ်းည

မီးရှူးမီးပန်းလို
တလက်လက်တောက်နေတဲ့ အလွမ်းတွေနဲ့
ဟိုဟိုဒီဒီ လမ်းထ လျှောက်မိတယ်
ဒီဘက် ကမ္ဘာခြမ်းမှာတော့
မသိမသာ အကန်းပါလား

ဆီမီးခွက်ထဲက မီးစာလို
တလက်လက် တောက်ပခွင့်လည်းမရခဲ့

မီးပုံးပျံတွေလို
ငါ့စိတ်ကူးတွေ လွှတ်တင်မိတယ်

ဗျောက်အိုးတွေ
တဗောင်းဗောင်း ဖောက်နေသလိုပါပဲ
ငါရင်တွေ တဗြောင်းဗြောင်း ပေါက်နေခဲ့တယ်

ဟိုဘက် ကမ္ဘာခြမ်းမှာတော့
ဘုရားသွား ကျောင်းတက်
ခေတ်အဆက်ဆက် ကန်တော့ခန်းတွေနဲ့
ရပ်ကွက်လမ်းတွေလည်း အလင်းဆန်းနေတော့မယ်

ငါတို့ရပ်ကွက်လမ်းက ကာလသားတွေ
ဘကြီးသာဖေ လော်နဲ့
ကာရာအိုကေ အော်လို့
အပျော်ကြီး ပျော်နေရော့မယ်

ငါတို့အိမ်မှာလည်း
အဖေ့တပည့်တွေက
အဖေ့ကို လာကန်တော့လို့
ကြွက်နီတစ်ယောက်
ဗျောက်အိုး ဖောက်နေရော့မယ်

ဒီဘက် ကမ္ဘာခြမ်းမှာတော့
မီးရှူးမဖေါက် မီးစာမတောက်ဘဲ
ကိုယ့်ဖယောင်းနဲ့ကိုယ် တောက်
ကိုယ့်ရင်ဘတ်ကိုယ် ဗျောက်အိုးဖောက်ခဲ့ပေါ့

ရင်ဘတ်ပေါက်နဲ့ လမ်းလျှောက်နေသည်။

လေပြည် (၅-၉-၂၀၀၉၊ ည ၁၁း၄၅)

နှစ်သက်မိသော ကဗျာတစ်ပုဒ်


မေတ္တာအားဖြင့်
ခိုင်နုငယ်