“ ကြယ် ”

     တစ်ပွင့်တလေမှ       လင်းလက်ဖြာသက်ဆင်းဖို့

     စိတ်ကူးမရှိတော့တဲ့ ကောင်းကင်ဆီပဲ

     နှလုံးသားဟာ တိတ်တိတ်ကလေးငေးလို့…..

   

      စိတ်နှင့်  နှလုံးသား အစေးမကပ်ခဲ့ကြ

     မျက်လုံးတွေမှိတ်ပြီး အိပ်ပျက်ရတဲ့

     ညတွေအကြောင်း မင်းထိရှဖူးပြီပဲ

     စိတ်က ဖွဖွလေးပွတ်သပ်    တယုတယ ချော့တယ်

    

    နှလုံးသားကတော့ ခေါင်းမာမာနှင့်

    ကြယ် ကြယ် လို့ ညဉ့်နက်နက်တွေထဲ

    ရူးရူးမိုက်မိုက် ရွတ်မြဲ

2.54 am

    မင်းနဲ့ငါ ပေါင်းပေါင်းပြီး မိုက်ခဲ့တဲ့

ဇာတ်သိမ်းပိုင်းမပါသော တစ်ခန်းရပ်တွေအကြောင်း

တခမ်းတနား ချမပြချင်တော့ဘူးကွယ်..

စိတ်ဟာ လူကြီးလူကောင်းဆန်ဆန်

   နှလုံးသားကတော့ ခေါင်းမာမာနှင့်

    ကြယ် ကြယ် လို့ ညဉ့်အာရုံထဲ

ရူးရူးမိုက်မိုက် ရွတ်မြဲ

3.30 am

ခေါင်းမာချင်စမ်းပါနဲ့ကွာ !!!!!!

ဒါဟာ လူကောင်းတစ်ယောက် အိပ်ချိန်မဟုတ်ဘူး

တိတိကျကျ မှာခဲ့ပြီးမှ တည့်တည့်ကြီးလွဲခဲ့ရတဲ့

ဖြစ်ရပ်မှန်တွေ ရှိနေမှတော့

ကြယ်တွေကို မီးမှိတ်

အိပ်ရေး ၀အောင် အိပ်ကြမယ်

စိတ်ဟာ ရင့်ကျက်သူဟန်

    နှလုံးသားကတော့ ခေါင်းမာမာနှင့်

    ကြယ် ကြယ် လို့ မနက်စင်စင် လင်းသွားလည်း

ရူးရူးမိုက်မိုက် ရွတ်မြဲ

“ဘာမှ မဟုတ်ရင် ဘာကိုမှမပြောကြေး”

ခက်တယ်ကွယ်~~~

နှလုံးသားဟာ ပလတ်စတစ်စက္ကူတစ်စမှ မဟုတ်ပဲ။

ပကတိခံစားနိုင်စွမ်းရှိရဲ့….

ခက်တယ်ကွယ်~~~

အစတေးခံ လောင်းကျွမ်းပစ်လိုက်ရအောင်

နှလုံးသာဟာ ထိရှနာကျင်ဖူးရဲ့

ခက်တယ်ကွယ်~~~~

သတိရနေတယ် တဖွဖွရေရွတ်တတ်ရုံဖြင့်

ကိုယ့်ကိုယ် ကို ညာတတ်ခြင်းက လွတ်မြောက်ပြီထင်ကြရဲ့

ခက်တယ်ကွယ်~~~~

ချစ်တယ်လို့ ဖောဖောသီသုံးနိုင်ကြသလောက်

ချစ်မြတ်နိုးခြင်းအနက်ကျ အက္ခရာလောက်ပဲ သိတတ်ကြရဲ့

ခက်တယ်ကွယ်~~~~

အမှတ်တရလို့ တဖွဖွပြောပြီး

အမှားတစ်ရပ်ကို ကျူးလွန်တတ်ကြသေးရဲ့

ခက်တယ်ကွယ်~~~~

ခက်တယ်ကွယ်~~~~

ခက်တယ်ကွယ်~~~~

                                               ဘာမှ မဟုတ်သေးရင် ဘာကိုမှ မပြောကြေး!!!!!

              ခိုင်နုငယ်

“ရိုးရိုးလေးဆုံးသွားတဲ့ ပုံပြင်”

ရိုးရိုးလေဆုံးသွားတဲ့…… ပုံပြင်လေးပါကွယ်!

သတိရစရာတွေ….ဓါးစာခံကျန်နေရုံကလွဲလို့ပေါ့…

ကန္တာရထဲမှာပွင့်လာတဲ့ ကောင်းကင်ကိုမှ ကြယ်လိုသီချင်မိတဲ့

ကောင်မလေးမှာတော့ ရွက်ခြောက်တွေလို ကော့ပျံကွေးကောက်နေရဲ့ကွယ်~

အပျော်တမ်းလာခေါက်တဲ့ သစ်တောက်ငှက်လေးရယ် သောကတွေရင်းစားမလိုပါဘူး~

ထုတ်ချင်းပေါက်သွားတဲ့ နှလုံးသားကိုက….. မမုန်းရက်ခဲ့သူပါ

တစ်ခါတစ်ရံဆို အတွေးဂယက်နဲ့ကိုယ့်စိတ်ကို ယက္ကန်းခတ်ပစ်လိုက်မိတယ်~

ကျွန်မရေးနေကျ ကဗျာလို ရှင့်အချစ်တွေကို ပြန်စာစီကြည့်ဖို့ ရမလားရယ်လို့ပေါ့..

ဒါပေမဲ့လည်းကွယ်!.......ကို ရေ ရှင့်အချစ်ကသက်တန့်ဖြစ်ခဲ့ရင်တောင်မှ

အသားမကျတဲ့ ဟောဒီရင်ဘတ်မှာ အလွမ်းတွေချော့မရသေးဘူးကွယ်..

ပျော်မိပျော်ရာပျံပါစေတော့ကွယ်…..

ကျွန်မမှာသာ အလွမ်းကုဋေကဋာနဲ့ပြတိုက်ထဲက ဒဏ်ရာတစ်ချို့ကို

အချိန်တွေနဲ့ ခိုးစိမ်နေလိုက်မယ်….. မလွမ်းသလိုပေါ့!!!!!

*အစ်ကိုရင်းတစ်ယောက်လို ခင်မင်လေးစားရပါသော ကဗျာ ဆရာမြူမင်းလွင်ထံမှ

ရင်ဘတ်အငှားဖြင့် လက်ဆောင် ရေးပေးခဲ့သော..ကဗျာ*